Hanuman Chalisa Hindi, English, Bengali Download PDF

🌺 हनुमान चालीसा (Hanuman Chalisa)

श्री गुरु चरण सरोज रज, निज मनु मुकुरु सुधारि।
बरनऊँ रघुबर बिमल जसु, जो दायकु फल चारि॥

बुद्धिहीन तनु जानिके, सुमिरौं पवनकुमार।
बल बुधि विद्या देहु मोहिं, हरहु कलेस बिकार॥

दोहा

जय हनुमान ज्ञान गुण सागर।
जय कपीस तिहुँ लोक उजागर॥
राम दूत अतुलित बल धामा।
अंजनि पुत्र पवनसुत नामा॥

महाबीर बिक्रम बजरंगी।
कुमति निवार सुमति के संगी॥

कंचन बरन बिराज सुबेसा।
कानन कुंडल कुंचित केसा॥

हाथ बज्र औ ध्वजा बिराजै।
कांधे मूँज जनेऊ साजै॥

शंकर सुवन केसरी नंदन।
तेज प्रताप महा जग बंदन॥

विद्यावान गुनी अति चातुर।
राम काज करिबे को आतुर॥

प्रभु चरित्र सुनिबे को रसिया।
राम लखन सीता मन बसिया॥

सूक्ष्म रूप धरि सियहिं दिखावा।
विकट रूप धरि लंक जरावा॥

भीम रूप धरि असुर संहारे।
रामचंद्र के काज संवारे॥

लाय संजीवन लखन जियाये।
श्रीरघुबीर हरषि उर लाये॥

रघुपति कीन्ही बहुत बड़ाई।
तुम मम प्रिय भरतहि सम भाई॥

सहस बदन तुम्हरो जस गावैं।
अस कहि श्रीपति कंठ लगावैं॥

सनकादिक ब्रह्मादि मुनीसा।
नारद सारद सहित अहीसा॥

जम कुबेर दिगपाल जहाँ ते।
कवि कोबिद कहि सके कहाँ ते॥

तुम उपकार सुग्रीवहि कीन्हा।
राम मिलाय राजपद दीन्हा॥

तुम्हरो मंत्र विभीषन माना।
लंकेश्वर भए सब जग जाना॥

जुग सहस्र योजन पर भानू।
लील्यो ताहि मधुर फल जानू॥

प्रभु मुद्रिका मेलि मुख माहीं।
जलधि लांघि गये अचरज नाहीं॥

दुर्गम काज जगत के जेते।
सुगम अनुग्रह तुम्हरे तेते॥

राम दुआरे तुम रखवारे।
होत न आज्ञा बिनु पैसारे॥

सब सुख लहै तुम्हारी सरना।
तुम रक्षक काहू को डरना॥

आपन तेज सम्हारो आपै।
तीनों लोक हांक तें कांपै॥

भूत पिशाच निकट नहिं आवै।
महावीर जब नाम सुनावै॥

नासै रोग हरै सब पीरा।
जपत निरंतर हनुमत बीरा॥

संकट तें हनुमान छुड़ावै।
मन क्रम बचन ध्यान जो लावै॥

सब पर राम तपस्वी राजा।
तिन के काज सकल तुम साजा॥

और मनोरथ जो कोई लावै।
सोइ अमित जीवन फल पावै॥

चारों जुग परताप तुम्हारा।
है प्रसिद्ध जगत उजियारा॥

साधु संत के तुम रखवारे।
असुर निकंदन राम दुलारे॥

अष्ट सिद्धि नौ निधि के दाता।
अस बर दीन जानकी माता॥

राम रसायन तुम्हरे पासा।
सदा रहो रघुपति के दासा॥

तुम्हरे भजन राम को पावै।
जनम जनम के दुख बिसरावै॥

अंत काल रघुबर पुर जाई।
जहाँ जन्म हरिभक्त कहाई॥

और देवता चित्त न धरई।
हनुमत सेइ सर्ब सुख करई॥

संकट कटै मिटै सब पीरा।
जो सुमिरै हनुमत बलबीरा॥

दोहा

जय जय जय हनुमान गोसाईं।
कृपा करहु गुरुदेव की नाईं॥
जो शत बार पाठ कर कोई।
छूटहि बंदि महा सुख होई॥

जो यह पढ़ै हनुमान चालीसा।
होय सिद्धि साखी गौरीसा॥
तुलसीदास सदा हरि चेरा।
कीजै नाथ हृदय मह डेरा॥

दोहा

पवन तनय संकट हरन, मंगल मूरति रूप।
राम लखन सीता सहित, हृदय बसहु सुर भूप॥

🌿 Hanuman Chalisa English (Transliteration)

Shree Guru charan saroj raj, nij manu mukur sudhaari
Barnau Raghuvar bimal jasu, jo daayak phal chari

Buddhi heen tanu janike, sumirau Pavan Kumar
Bal buddhi vidya dehu mohi, harahu kalesh vikar

Doha

Jai Hanuman gyaan gun saagar
Jai Kapees tihun lok ujaagar

Ram doot atulit bal dhaamaa
Anjani putra Pavan sut naamaa Mahabir Bikram Bajrangi
Kumati nivaar sumati ke sangi

Kanchan varan biraaj subesa
Kanan kundal kunchit kesa

Haath bajra au dhwaja biraaje
Kandhe moonj janeu saaje

Sankar suvan Kesari nandan
Tej pratap maha jag bandan

Vidyavaan guni ati chaatur
Ram kaj karibe ko aatur

Prabhu charitra sunibe ko rasiya
Ram Lakhan Sita man basiya

Sookshma roop dhari Siyahi dikhava
Vikat roop dhari lank jarava

Bheem roop dhari asur sanhare
Ramchandra ke kaaj sanvare

Laay Sanjeevan Lakhan jiyaaye
Shree Raghubeer harashi ur laaye

Raghupati keenhi bahut badaai
Tum mam priye Bharat hi sam bhai

Sahas badan tumharo jas gaave
As kahi Shripati kanth lagaave

Sankadik Brahmadi Muneesa
Narad Sarad sahit Aheesa

Yam Kuber Digpaal jahaan te
Kavi kovid kahi sake kahaan te

Tum upkaar Sugreevahin keenha
Ram milaye rajpad deenha

Tumharo mantra Vibheeshan maana
Lankeshwar bhae sab jag jaana

Yug sahasra yojan par Bhaanu
Leelyo taahi madhur phal jaanu

Prabhu mudrika meli mukh maahin
Jaladhi langhi gaye achraj naahin

Durgam kaaj jagat ke jete
Sugam anugrah tumhare tete

Ram duwaare tum rakhvaare
Hoat na aagya binu paisaare

Sab sukh lahe tumhari sarna
Tum rakshak kaahu ko darna

Aapan tej samharo aapai
Teenon lok hank te kaapai

Bhoot pishaach nikat nahi aavai
Mahabeer jab naam sunavai

Naasai rog hare sab peera
Japat nirantar Hanumat beera

Sankat se Hanuman chhudave
Man Kram bachan dhyan jo lave

Sab par Ram tapasvee raaja
Tin ke kaaj sakal tum saaja

Aur manorath jo koi laavai
Soi amit jeevan phal paavai

Charon yug partaap tumhara
Hai prasiddh jagat ujiyara

Saadhu sant ke tum rakhvaare
Asur nikandan Ram dulaare

Asht siddhi nav nidhi ke daata
As bar deen Janaki maata

Ram rasayan tumhare paasa
Sadaa raho Raghupati ke daasa

Tumhare bhajan Ram ko paavai
Janam janam ke dukh bisraavai

Ant kaal Raghubar pur jaayi
Jahan janma Hari bhakt kahayi

Aur devta chitt na dharayi
Hanumat se hi sarb sukh karayi

Sankat kate mite sab peera
Jo sumire Hanumat balbeera

Doha

Jai Jai Jai Hanuman Gosai
Kripa karahu Gurudev ki naai

Jo shat baar paath kar koi
Chhootahin bandi maha sukh hoyi

Jo yeh padhe Hanuman Chalisa
Hoye siddhi Saakhi Gaurisa

Tulsi Daas sada hari chera
Keejai Naath hriday mein dera

Doha

Pavan tanay sankat haran, mangal moorti roop
Ram Lakhan Sita sahit, hriday basahu sur bhoop

Download PDF (Hanuman Chalisa)